Dy deputetë mbështetës të Bashës, pjesë e Kuvendit Kombëtar të 30 prillit

Në Kuvendin Kombëtar të Partisë Demokratike që po zhvillohet në Pallatin e Kongreseve, nuk janë të pranishëm vetëm anëtarë të Komisionit të Rithemelimit dhe deputetët mbështetës të ish-kryeministrit Sali Berisha.

Gazetari i “Euronews Albania”, Ardit Hoxha raporton se në Kuvend ndodhen edhe 2 deputetë të cilët janë mbështetës të ish-kryedemokratit Lulzim Basha.

Deputetja e Vlorës, Ina Zhupa dhe deputeti i Beratit, Kasem Mahmutaj janë pjesëmarrës në punimet e këtij Kuvendi.

Ndërsa, ish-kryeparlamentarja, Jozefina Topalli dhe ish-ministri i Brendshëm, Arben Imami janë disa nga emrat e rikthyer në Partinë Demokratike.

LEXONI GJITHASHTU

• Kryetari i ri i PD-së do të zgjidhet më 22 maj
• Përlotet Topalli: S’jam larguar nga PD, nuk e mendoja të korruptohej opozita
• Këlliçi: Çdo shqiptar e kuptoi se partinë nuk e bën vula dhe godina