Dy grabitje me armë kanë ndodhur gjatë 24-orëve të fundit në Mitrovicën e Jugut në Kosovë.

Sipas informacioneve nga policia kosovare, njëri prej rasteve ka ndodhur në fshatin Kqiq i Vogël, ku dy një person ka denoncuar se dy persona ia kanë marrë një shumë parash nën kërcënimin e armës.

Ndërkohë që rasti i dytë është raportuar të ketë ndodhur në rrugën “Rifat Vidishiçi”, ku një person i maskuar e ka grabitur një shumë parash nga arka e një biznesi dhe është larguar në drejtim të paditur.

Policia e Kosovës bën me dije se rastet po hetohen dhe po vijon puna për identifikimin dhe kapjen e autorëve.

“Të dyshuarit pas kryerjes së veprës kanë ikur në drejtim të panjohur. Rasti nën hetim nga njësitë relevante”, thuhet në njoftimin e Policisë së Kosovës.