Këtë të enjte dy ekipet e vetme nga Superliga shqiptare që vijojnë garën në Conference League do të luajnë aktin e parë të raundit të dytë kualifikues.
Egnatia dhe Partizani përballen respektivisht rrogozhinasit me Vikingur Reykjavik, e në anën tjetër demat në orën 18 zbresin në fushë ndaj Iberia Tbilisit.
Egnatia tanimë sic dihet me disa mungesa, kjo dhe për shkak të largimeve si Ibrahimoglu apo dhe portieri Sheri që iu bashkua Cagliarit, por rrogozhinasit do të tentojnë të marrin një rezultat pozitiv në transfertë, për të vulosur kualifikimin një javë më pas.
Sa i përket të kuqve, përgatitjet kanë marrë fund, me trajnerin Shehi që e ka gati formacionin startues.
Skema nuk pritet të ndryshojë pas atij suksesi ndaj Marsaxlokk në raundin e parë kualifikues, me Qirkon që do të qëndrojë në portë, më pas mbrojtja me Hadroj, Sembene, Bytyci e Zguro.
Mesfusha do të jetë sërish me 4 Buxhelaj, Maget, Mehmeti dhe Rrapaj, ndërsa në sulm Cara i konfirmuar, teksa pritet që të mbështetet nga Bintsouka.
LEXONI GJITHASHTU:
- Hidhet shorti për Conference League|Ekipet shqiptare njohin kundërshtarët e mundshëm
- Partizani kualifikohet në Conference League, eleminohen Tirana e Vllaznia
