Partizani është e vetmja skuadër e cila ka arritur të kalojë turin e parë kualifikues në Conference League.
Kjo pasi arriti të eleminonte maltezët e Marsaxxlok, duke i mposhtur këta të fundit në transfertë.
Dueli u mbyll në shifrat 2-1, me kryeqytetasit që përmbysën kundërshtarin me golat e Carës dhe Kekos.
Nga ana tjetër bardheblutë e Tiranës zhgënjyen në ndeshjen e kthimit të luajtur në Elbasan, aty ku shpresonin tek kualifikimi. Një gol i shpejtë i Torpedos mjaftoi që gjeorgjianët të avancojnë më tej, me Johnsen që realizoi në minutën e 3-të.
Sa i përket ekipeve të Superligës Shqiptare, zhgënjimi i mbrëmjes mund të konsiderohet Vllaznia, e cila u mund në Loro Borici 0-4. Skuadra islandeze e Valur arriti të realizojë tripletë që në pjesën e parë, për të vulosur kualifkimin në fraksionin e dytë.
LEXONI GJITHASHTU:
- Hidhet shorti Futsal Champions League, Tirana njeh kundërshtarët
- FSHF publikon datat për edicionin të ri futbollistik, kur pritet të nisë Superliga