Dy të mitur u përplasën për vdekje, reagon Ministria e Shëndetësisë: Gjendja e fëmijës tek Trauma, e rëndë

Nga aksidenti tragjik ne Durrës ku dy fëmijë të mitur humbën jetën, fëmija i tretë i plagosur paraqitet në gjendje të rëndë dhe po monitorohet nga stafi mjekësor.

Ministria e Shëndetësisë njofton se aktualisht 8-vjeçari ndodhet i shtruar në Spitalin e Traumës në Tiranë dhe paraqitet me dëmtime të shumta.

“Është koshient, por në gjendje të rëndë”, thuhet në reagimin zyrtar të ministrisë.

Policia ka shoqëruar në komisariat drejtuesin e automjetit, shtetasin Nikoll Radaçi 57 vjeç, pasi aksidentoi tre fëmijët e mitur të moshës rreth 10 vjeç. Pas procedurave dhe kryerjes së testit të alkoolit, Nikoll Radaçi ka rezultuar pozitiv.

Dy prej tyre humbën jetën në vendngjarje, ndërsa i mituri tjetër, që u dërgua në spitalin e Durrësit në gjendje të rëndë, po transportohet për ndihmë më të specializuar në Tiranë.

LEXONI GJITHASHTU

FOTO/ Ky është Nikoll Radaçi, 57-vjeçari që përplasi për vdekje dy të miturit