FOTO/ Ky është Nikoll Radaçi, 57-vjeçari që përplasi për vdekje dy të miturit

Ky është Nikoll Radaçi, drejtuesi i mjetit të përfshirë në aksidentin tragjik në Durrës, ku humbën jetën dy fëmijë të mitur dhe një tjetër mbeti i plagosur rëndë.

57-vjeçari pas aksidentit ka tentuar të largohet, por më pas është arrestuar nga policia dhe ndodhet në komisariat, ndërsa ndaj tij pritet të vijojnë procedurat ligjore.

Pak më herët, gazetarja e Euronews, Lorida Mani raportoi se mosha e të miturve që kanë humbur jetën janë 8 dhe 10 vjeç ndërsa personi i tretë  që ndodhet në gjendje të rëndë shëndetësore është 13 vjeç.

Tre të miturit mësohet se kanë qenë duke luajtur në trotuar në lagjen e tyre teksa janë përplasur nga një automjet Benz ML me drejtues Nikoll Radaçi , i cili dyshohet se lëvizte me shpejtësi. Pas përplasjes dy fëmijët kanë ndërruar jetë në vendngjarje. Ndërsa i mituri i tretë aktualisht po transportohet për ndihmë më të specializuar në Tiranë.

LEXONI EDHE:

• Tragjedi në Durrës. Humbin jetën dy fëmijë. Një tjetër në gjendje të rëndë në spital

• Tragjedia në Durrës, banorët të revoltuar: Fëmijët u vranë në trotuar!

• FOTO/ Ky është Nikoll Radaçi, 57-vjeçari që përplasi për vdekje dy të miturit

• Identifikohet autori i aksidentit tragjik në Durrës, përplasi tre të miturit me makinë

• Aksidenti në Durrës ku humbën jetën dy fëmijë, policia jep detaje

Ngjarja e rëndë ku humbën jetë dy fëmijë ka tronditur banorët e Durrësit. Dëshmitarët dhe fqinjët në vendngjarje shprehen të shokuar nga përmasat e tragjedisë, duke theksuar se viktimat ishin fëmijë të moshave shumë të vogla.

Banorët sqarojnë se fëmijët nuk ishin në rrugë, por po qëndronin në trotuar në momentin e goditjes fatale nga makina. Ata thonë se lagja cilësohet si problematike për shkak të mjeteve që lëvizin me shpejtësi jashtëzakonisht të lartë. Gjithashtu, banorët shprehin zemërim të thellë për faktin se drejtuesi i mjetit u largua nga vendi i ngjarjes menjëherë pas aksidentit, duke lënë makinën pas.

“Shumë e rëndë, shumë e rëndë. Zoti e di si u bë… Zoti e di çfarë po shohim. Çfarë bëhet kështu, fëmijët në rrugë. Zakonisht mjetet lëvizin me shpejtësi këtu. Shumë e rëndë”,-thotë një prej banorëve të zonës.

“Të shokuar, të tronditur jemi se janë fëmijë. Edhe ishin në trotuar, nuk është se ishin në rrugë?’, – shprehet një banore.

“Ka ngjarje më të rëndë se ikën dy foshnja? Edhe të moshuar po të ishin, çfarë… S’kemi çfarë të themi. Fëmijët i njoh se i kam komshinj….. Mesazhi është për vetë shtetin që t’i bëjë sinjalizimet në rrugë. Makinat jo këtu, po kudo që të vesh makinat e kanë bërë të modës. Se nuk është vetëm kjo rrugë problem, është problemi i rrugëve kudo. T’u jepet zgjidhje”, shton një tjetër banorë për Euronews Albania.