Dy vite jashtë fushave të blerta, Monaco i hap dyert Pogbas

Paul Pogba është shumë pranë rikthimit në fushë, teksa po shlyen pezullimin pas rezultatit pozitiv në testin e dopingut në vitin 2023.

32-vjeçari është stërvitur gjatë gjithë kësaj periudhe, por nuk ka mundur të luajë ndeshje zyrtare.

Juventus i kishte shkëputur kontratën, por tani për Pogbën po hapet një dritare e re.

Më serioze është oferta nga Monaco, që i ka propozuar një kontratë dyvjeçare. Palët janë në bisedime dhe pritet që marrëveshja të arrihet së shpejti, pasi kushtet ekonomike janë të favorshme për francezin, i cili prej majit të 2023 nuk aktivizohet në fushë, që do të thotë pothuajse dy vite larg lojës.

Pogba ka luajtur më parë në kampionatin francez në moshë të re dhe rikthimi i tij në Ligue 1 do të ishte interesant për të, veçanërisht për të rikthyer formën e tij më të mirë.

Si profesionist, ai ka pasur karrierë në Juventus dhe Manchester United, por vitet e fundit nuk kanë qenë të lehta për të. Tani kërkon një mundësi të re, dhe Monaco duket gati ta presë me duar hapur.

Ditët në vijim pritet që marrëveshja të përfundojë dhe Pogba të kthehet në fushën e lojës.

LEXONI GJITHASHTU:

• Ulet dënimi për Pogba, francezi drejt rikthimit në fushë, Juventus ende pa vendim
• Paul Pogba përjashtohet 4 vjet nga futbolli për doping