Dy vite pas tragjedisë së Himarës, kthehet rreziku nga mjetet lundruese

Në gusht të 2022-shit një 7-vjecare humbi jetën tragjikisht në plazhin e Himarës, pasi u përplas nga një skaf teksa vogëlushja notonte në breg të detit, ndërsa vetë drejtuesi i skafit e kishte thyer kufirin e perimetrit të sigurisë.

Në atë kohë vetë kryeministri Rama, në shenjë reagimi ndaj tragjedisë premtoi se do të ngrihej një njësi speciale e monitorimit në plazhe, e cila fillimisht pati një reagim të shpejtë duke bllokuar e gjobitur poseduesit e mjeteve lundruese.

“Por, sot dy vite pas ngjarjes duket se tragjedia e Himarës është harruar. Mjete lundruese dhe sidomos jet ski vazhdojnë të thyejnë perimetrin e sigurisë ujore për plazhistët duke u kthyer në kërcënim serioz për jetën e pushuesve”,-gazetarja Anxhela Lushkaj.

Në plazhet e Sarandës nga një vëzhgim i thjeshtë të bie në sy përdorimi i mjeteve lundruese nga adoleshente, të cilët nuk respektojnë as rregullat e sigurisë.

“Prej datës 1 korrik kur jet skit kanë nisur aktivitetin e tyre , Policia Kufitare e Sarandës në bashkëpunim me Njësinë Policore Detare ka ndëshkuar me masë administrative deri në 100 mijë lek apo bllokim të mjetit lundrues 30 drejtues jetskish në ujërat e Sarandës, Ksamilit dhe Borshit”,-tha gazetarja.

Shkelja e perimetrit të sigurisë dhe mosposedimi i dokumentacionit përkatës janë dy nga shkeljet kryesore të drejtuesve të Jetskive dhe skafeve që kryesisht përdoren nga turistët në sezonin veror.

LEXONI GJITHASHTU:

• “Presidenti u nxitua për Himarën”, Baçi: Ja çfarë është më shqetësuese në atë bashki
• Zgjedhjet për Bashkinë e Himarës, ja kur do të nisë fushata