“Presidenti u nxitua për Himarën”, Baçi: Ja çfarë është më shqetësuese në atë bashki

I ftuar në “Now me Erla Mëhillin në Euronews Albania, analisti Agim Baçi tha se presidenti Begaj i la shije të hidhur me shpejtësinë me të cilën nxori dekretin për shpalljen e zgjedhjeve të reja të Himarës, pa i lënë mundësi ankimimi Fredi Belerit.

Ai tha se presidenti nuk mund të sillet si të jetë noter i kryeministrit, pasi detyra e tij është të jetë një derë e hapur për t’u konsultuar me të gjitha palët politike.

Baçi tha gjithashtu se gjëja më shqetësuese në Himarë mbetet fakti se çdo emër që del në atë bashki ka edhe një dosje “shoqëruese” në SPAK.

“Çështja në këtë është se presidenti la një shije shumë të hidhur se ai nuk është noter i Edi Ramës, sado nxitim të kishte kjo. Presidenti duhet të tregojë se u përket të gjithëve dhe është një derë e hapur që konsultohen të gjithë.

Ideja që ti pret vetëm Celibashin dhe më pas një letër nga sekretari i përgjithshëm i kryeministrisë dhe për 60 minuta ti e bën këtë ndërkohë që kishim pritur kaq shumë për një proces të gjatë gjyqësor, konsulta për Himarën duhet të ishte me të gjitha forcat politik siç e kërkon tradita dhe ligji. Nuk e e kuptova këtë nxitim të tij. Gjithsesi unë jam më i shqetësuar se çdo emër që del atje, ka një dosje te SPAK. Duket se çdonjërit që i del emri ka edhe një dosje te SPAK.

Çdonjëri që i del emri, ka edhe SPAK-un njëkohësisht. Kjo është shumë shqetësuese, se do të thotë se kemi një zonë ku nuk është parë asgjë për qytetarin por vetëm kush ka interes, kush është afër qeverisë dhe kush investon atje”,-tha Baçi.

LEXONI GJITHASHTU:

• Zgjedhjet për Himarën, Suli: Kandidati i opozitës do jetë himariot dhe euroatlantik
• Parti kolegjiale? Baçi për propozimet e grupit të Bashës: S’ka forcë pa kryetar