Zgjedhjet për Himarën, Suli: Kandidati i opozitës do jetë himariot dhe euroatlantik

Sekretari i OMONIA-s, Marin Suli tha se “nuk ka asgjë nga fraonti i lindjes”, sipas tij zgjedhja e Vangjel Tavos si kandidat për Bashkinë e Himarës nga ana e socialistëve ishte diçka e pritshme.

I ftuar në “Now me Erla Mëhillin” Suli tha se kandidati i opozitës ende nuk është zgjedhur, por me 99% sipas tij do të jetë një djalë i ri himariot dhe euroatlantik.

I pyetur nëse kandidati i koalicionit opozitar do të jetë Petro Beleri, Suli tha se ai ëhstë mes kandidatëve, por nuk është kandidati i vetëm.

“Janë më tepër se një që po diskutohen. Ne jemi në fazën finale të sondazheve dhe bisedimeve. PBDNJ është pjesë e koalicionit opozitar, tashmë po bëhen bisedime mes zotit Dule dhe kryetarëve të partisë së opozitës, ndaj besoj se o nesër o pasnesër do të kemi emrin e kandidatit. Kandidatin do e vendosë zoti Dule së bashku me zotin Berisha dhe me zotin Meta”,-tha Marin Suli.

LEXONI GJITHASHTU:

• Reagon Bardhi për mandatin e Xhaçkës: Kërkesë qesharake deri në absurditet!
• OMONIA pretendime për parregullsi me censin: Po i bëhet presion minoritetit