Reagon Bardhi për mandatin e Xhaçkës: Kërkesë qesharake deri në absurditet!

Kryetari i Grupit Parlamentar të Partisë Demokratike Gazment Bardhi, në një postim në rrjetet sociale reagoi ndaj kërkesës së kuvendit për të marrë një opinion këshillimor nga Komisioni i Venecias në lidhje me vendimin e marrë për mandatin e deputetes Olta Xhaçka.

Bardhi ka shkruar se kjo kërkesë është e paligjshme dhe qesharake deri në absurditet.

Ai shtoi se Gjykata Kushtetuese ka përfunduar shqyrtimin e çështjes dhe sa më parë duhet të rivendosë autoritetin për mbrojtjen e Kushtetutës dhe shtetit ligjor.

Mazhoranca socialiste i kërkon Gjykatës Kushtetuese të marrë një opinion këshillimor nga Komisioni i Venecias se si duhet gjyqtarët kushtetues ta lexojnë vendimin e tyre nr. 1/2023 për mandatin e deputetes strategjike Olta Xhaçka. Kërkesa përveçse e paligjshme, është qesharake deri në absdurditet!

Gjykata Kushtetuese ka përfunduar shqyrtimin e çështjes dhe sa më parë duhet të rivendosë autoritetin për mbrojtjen e Kushtetutës dhe shtetit ligjor. Asnjë vonesë e mëtejshme nuk mund të tolerohet dhe do të ishte fundi i kushtetutshmërisë në vend!

LEXO GJITHASHTU:

• Mandati i Xhaçkës, Kuvendi: Ti kërkohet mendim Komisionit të Venecias
• GJK|Seanca për mandatin e Xhaçkës, Bardhi: Rama i ka dhënë statusin e të paprekshmes