Të ardhurat nga qiradhënia e pronave të sekuestruara dhe konfiskuara në vitin 2024, kapin vlerën e 159 mln lekëve.

Në raport me vitin 2023, kur u mblodhën 81 mln lekë, shuma është dy herë më e lartë dhe kjo rritja është realizuar përmes eficiencës dhe mirëmenaxhimit, si edhe uljes së shpenzimeve për administrimin e pasurive.

Shifrat dalin në raportin e Agjencisë që administron Pronat e sekuestrura, e cila në bazë të ligjit, nxjerr të ardhura përmes dhënies me qira ose formave të tjera të shfrytëzimit nga palë të treta.

Qiradhënia e këtyre pasurive ndihmon në mbulimin e kostove të administrimit dhe mirëmbajtjes së tyre.

Ndërkohë, pasuritë që amortizohen ose konsiderohen të papërdorshme mund të kalojnë në procedura shitjeje.

Më herët, Agjencia publikoi edhe një katalog me të gjithë pronat e konfiskuara, të cilat janë rreth 250 të tillë, të shpërndara në të gjithë vendin, pjesa më e madhe e të cilave ndodhen në Tiranë dhe Vlorë.

LEXONI GJITHASHTU:

• Shtyhet me 3 vite kompensimi i pronave, 21.2 mld lekë deri në 2028-ën
• Publikohet lista e pasurive të konfiskuara, nxirren në shitje