Publikohet lista e pasurive të konfiskuara, nxirren në shitje

Pasuritë e konfiskuara ndër vite me vendim gjykate, tashmë janë publike.  Ato janë listuar nga Agjencia e Administrimit të Pasurive të Sekuestruara dhe Konfiskuara në katalog me 550 faqe, të specifikuara me vendndodhje në hartë dhe foto të objeketeve. Po ashtu, për secilën pronë, është vendosur edhe vlera që ajo ka në treg.

Sipas Agjencisë, bëhet fjalë për pasuritë të krijuara ose të përfituara në mënyrë të paligjshme, të cilat janë konfiskuar me vendim gjykatë të formës së prerë dhe që kanë kaluar në pronësi të shtetit.

Lista e plotë përfshin gjithë territorin e vendit, dhe janë afro 250 prona të konfiskuara, numri më i madh i të cilave janë në Tiranë dhe Vlorë.

Para bllokimit me vendim gjykate, ato janë përdorur për qëllime banimi e biznesi, ku bie në sy aktivitete si hotele, bare e njësi tregtare.

Për agjencinë që administron këto prona, qëllimi kryesor i këtij publikimi është informimi i publikut dhe palëve të interesuara për të gjitha konfiskimet, ndërsa po punohet edhe për një katalog të dytë me pasuritë e sekuestruara.

LEXONI GJITHASHTU:

• Shtyhet me 3 vite kompensimi i pronave, 21.2 mld lekë deri në 2028-ën
• 1,4 miliardë dollarë për projektin në Sazan, Shehaj: Rama po përdor pronat e shtetit