Dyndje të rusëve në Finlandë, rriten aplikimet për viza

Mbi 50,000 aplikime për viza janë depozituar në Konsullatën Finlandeze në Shën Petersburg në Rusi gjatë 2022, raportojnë autoritetet.

Sipas konsullatës finlandeze, numri i aplikimeve të paraqitura nga shtetas rusë ka qenë në rritje që nga tetori i kaluar, kur u hoqën kufizimet për COVID-19 dhe u bë e mundur që më shumë njerëz të aplikonin për viza.

Konsullata zbuloi më tej se aplikimet më të njohura për viza për qershor dhe korrik ishin vizat turistike, duke shënuar një rritje prej dhjetë për qind për këtë hark kohor specifik.

Aplikimet për vizë dorëzohen në Qendrën e Aplikimit për Viza në Finlandë në Shën Petersburg, e cila aktualisht funksionon vetëm me takim. Takimet e radhës për viza në këtë konsullatë janë në muajin gusht, me qëllim kryesor të autoritetit që procesi i aplikimeve të përfundojë brenda dhjetë ditëve.

Nga ana tjetër, Finlanda ka raportuar se fermat e saj, veçanërisht fermat e manaferrave, po përjetojnë një numër në rënie të punëtorëve sezonalë, të lidhur drejtpërdrejt me pushtimin ushtarak rus të Ukrainës.

Sipas Shërbimit Finlandez të Imigracionit, vitin e kaluar janë dhënë 13,870 certifikata për punë sezonale, me 95,7 për qind ose 13,287 punëtorë nga Ukraina. Megjithatë, këto norma janë shumë më poshtë këtë vit, duke zbritur në 4,456, të përfaqësuara nga një rënie prej 211 për qind.

LEXONI GJITHASHTU:

• Mediat sociale po dështojnë të parandalojnë urrejtjen LGBTI+
• Kontesti Izrael-Palestinë, Biden: Mbështesim zgjidhjen me dy shtete