Dyshohet se pati gisht në vrasjen e një burri, gjykata nis hetimet për Sheikh Hasina

Një gjykatë në Bangladesh ka urdhëruar një hetim mbi rolin e dyshuar të ish-kryeministres Sheikh Hasina në vrasjen e një burri nga policia gjatë protestave vdekjeprurëse që çuan në rrëzimin e saj.

Hasina, e cila u largua nga vendi në fillim të këtij muaji pas disa javësh trazirash, akuzohet, së bashku me zyrtarë të tjerë të lartë, për vdekjen e një pronari të një dyqani ushqimor më 19 korrik, sipas agjencisë së lajmeve Bangladesh Sangbad Sangstha.

Kjo është çështja e parë ligjore që ngrihet kundër Hasinës pas goditjes nga protestat e mëdha kundër kuotave të punësimit në qeveri, që shpërthyen në të gjithë Bangladeshin muajin e kaluar.

Në komentet e saj të para publike që nga largimi nga Bangladeshi, Hasina të martën bëri thirrje për një hetim mbi “vrasjet e tmerrshme dhe aktet e sabotimit” gjatë protestave.

Deklarata e saj, e postuar në X nëpërmjet djalit të saj, nuk përmendi rastin e vrasjes kundër saj, por tha se aktet e “sabotimit, zjarrvënieve dhe dhunës” kishin rezultuar në “shumë qytetarë të pafajshëm të vendit tonë të humbnin jetën e tyre”.

“Kërkoj një hetim të plotë për të identifikuar dhe sjellë para drejtësisë përgjegjësit për këto vrasje të tmerrshme dhe akte sabotazhi,” tha Hasina.

• LEXONI GJITHASHTU:
  Laureati i çmimit Nobel, Yunus, betohet si lideri i përkohshëm i Bangladeshit
• Rusia për ngjarjet në Bangladesh: Presim kthim të normave kushtetuese sa më parë