Dyshohet se trafikuan 1 ton kokainë nga Amerika Latine, lihen në burg të arrestuarit

Gjykata e Posaçme ka caktuar masën e sigurisë “arrest në burg” për shtatë personat e arrestuar si të përfshirë në një rrjet kriminal që trafikonte lëndë narkotike nga Amerika Latine në Shqipëri.

Të ndaluarit janë Arjan Gjata, Vilson Roçi, Musa Gjikola, Akil Alushi, Jani Meçja, Selami Lushkaj dhe efektivi i policisë Erjon Dani, ish-drejtues i krimeve në Komisariatin Nr.3 në Tiranë.

Operacioni, i zhvilluar në disa qytete të vendit, është bazuar në hetimet e nisura pas zbërthimit të komunikimeve në aplikacionin Sky ECC, që grupi kriminal përdorte për trafikun e drogës.

Sipas të dhënave paraprake dyshohet se sasia e drogës që ky grup ka trafikuar arrin deri në 1 ton.

Nga 13 urdhër-arreste të lëshuara nga SPAK, janë ekzekutuar 8 masa, ndërsa 5 persona janë ende në kërkim nga autoritetet.

Materialet iu janë përcjellë Prokurorisë së Posaçme për Krim të Organizuar dhe Korrupsion për procedim të mëtejshëm.