“E gjithë Rrogozhina në lot” Zeka: Dwamena njeri shumë i mirë, profesionist i rrallë

Temë e emisionit Review në Euronews Albania, mbrëmjen e kësaj të shtune ishte vdekja e futbollistit Raphael Dwamena, i cili ndërroi jetë këtë të shtunë pasi një sulm në zemër në minutën ’24, të ndeshjes së Superligës Egnatia-Partizani.

I ftuar në studio, përfaqësuesi i ekipit të Egnatias, Xhevdet Zeka, tha se i gjithë qyteti i Rrogozhinës është në lotë për shkak të tragjedisë që ka ndodhur.

Ai theksoi se dhimbja nuk vjen pasi u nda nga jeta një futbollist profesionist, por pasi u nda nga jeta një njeri i mrekulleshëm me vlera të jashtëzakonshme.

“I shpreh ngushëllime të sinqerta familjes dhe gruas së tij që ishte gjithë ditën me ne. I shpreh ngushëllimet gjithë qytetit të Rrogozhinës. Kur jam kthyer në qytetin e Rrogozhinës nga spitali i Kavajës, ju them që nuk kishte burrë pa lot në sy. Dhimbja e qytetit është e madhe se ka ikur një njeri shumë i mirë, përtej profesionalizmit që s’ka kufi për atë. Një njeri që edhe kur shkelte barin i vinte keq, një njeri që edhe sado pak e prekte kundërshtarin i kërkonte falje. Një njeri i mrekullueshëm në të gjitha këndvështrimet. Ka ikur një futbollist që dinte të ruante vlerat dhe nga më punëtorët në skuadër. Vlerat profesionale i ka treguar vetë, që 14-vjeç ka qenë nga golashënuesit më të mirë kudo që ka luajtur. Dhimbjen e ka ndjerë i gjithë ekipi dhe presidenti. I patë lotët e shokëve”, tha Zeka.

LEXONI GJITHASHTU:

• “Djal i shkëlqyer”- Shakohoxha: Dwamena më i paguari në Shqipëri, sa fitonte në muaj
• Përfaqësuesi i Egnatias: Dwamena gati kontratën marramendëse në Arabinë Saudite
• Vdekja e futbollistit/ Zeka “përplaset” me Shakohoxhën, braktis studion