E hodhi në kanal se i ngacmoi gruan, si ndodhi vrasja në Durrës

Një krim i rëndë është zbardhur këtë të martë në Durrës pasi policia ka gjetur në kanalin e ujërave të zeza trupin e Branko Shkozës 33-vjeçar.

Sipas informacioneve të ardhura nga policia ka qenë 35-vjeçari Majlind Habibi ai që pas një konflikti e ka shtyrë Shkozën nga ura. Si pasojë e rrëzimit ky i fundit ka humbur jetën.

Sipas burimeve për Euronews Albania dyshohet se sherri mes tyre ka nisur pasi viktima Branko Shkoza ka ngacmuar gruan e 35-vjeçarit Majlind Habibi.

Njoftimi i policisë:

Shërbimet e Policisë kryen kontrolle intensive dhe më datën 05.12.2024, kanë bërë të mundur gjetjen e trupit të pajetë të shtetasit H.B.

Nga këqyrja e trupit të viktimës nuk u konstatuan shenja dhune, por nga këqyrja e vendit të ngjarjes dhe veprimeve të tjera hetimore, grupi hetimor krijoi dyshime se ngjarja nuk ishte aksidentale.

Në vijim të veprimeve të thelluara hetimore u dokumentua dhe me prova shkencore se shtetasi M. H., 35 vjeç, banues në lagjen nr. 15 Durrës, më datë 02.12.2024, pas një konflikti për motive të dobëta, ka shtyrë duke e hedhur nga një urë në kanalin e ujërave të zeza shtetasin B. Sh, i cili si pasojë e rrëzimit ka humbur jetën.

Sektori për Hetimin e Krimeve të Rënda në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës, pas një pune intensive hetimore të bëra në lidhje me denoncimin bërë nga një shtetas se nga u bë i mundur identifikimi dhe kapja e autorit të vrasjes së shtetasit B. Sh., 33 vjeç.

LEXONI GJITHASHTU:

• Hodhi nga ura shokun e tij dhe fshehu krimin, arrestohet 35-vjeçari në Durrës
• PD për vendimin e Venecias për Xhaçkën/ Bylykbashi: Qeveria t’i bindet Kushtetueses