Hodhi nga ura shokun e tij dhe fshehu krimin, arrestohet 35-vjeçari në Durrës

Policia vuri në pranga 35-vjeçarin Majlind Habibi, që dyshohet se e ka shtyrë me qëllim 33-vjeçarin Branko Shkoza drejt kanalit.

35-vjeçari ka tentuar të fshehë krimin, ndërsa ngjarja është zbardhur pasi policia ka gjetur trupin e pajetë të 33-vjeçarit. Ai ka vdekur si pasojë e rrëzimit nga ura në kanalin e ujërave të zeza.

Dyshohet se sherri ka nisur për ngacmimin e gruas së autorit nga viktima.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Njoftimi i policisë

Shtetasi H. Sh., banues në lagjen nr. 15 Durrës, më datë 04.12.2024, ka kallëzuar në Komisariatin e Policisë Durrës, se prej datës 02.12.2024, djali i tij shtetasi B. Sh., 33 vjeç, ishte larguar nga banesa dhe kishte humbur kontaktet me të.

Shërbimet e Policisë  kryen kontrolle intensive dhe më datën 05.12.2024, kanë bërë të mundur gjetjen e trupit të pajetë të shtetasit  B.Sh

Nga këqyrja e trupit të viktimës nuk u konstatuan shenja dhune, por nga këqyrja e vendit të ngjarjes dhe veprimeve të tjera hetimore, grupi hetimor krijoi dyshime se  ngjarja nuk ishte aksidentale.

Në vijim të veprimeve të thelluara hetimore u dokumentua dhe me prova shkencore se shtetasi M. H., 35 vjeç, banues në lagjen nr. 15 Durrës, më datë 02.12.2024, pas një konflikti për motive të dobëta, ka shtyrë duke e hedhur nga një urë  në kanalin e ujërave të zeza shtetasin B. Sh, i cili si pasojë e rrëzimit ka humbur jetën.

Sektori për Hetimin e Krimeve të Rënda në bashkëpunim  me Prokurorinë pranë Gjykatës së Shkallës së Parë të Juridiksionit të Përgjithshëm Durrës, pas një pune intensive hetimore të bëra  në lidhje me denoncimin bërë nga një shtetas se nga u bë i mundur identifikimi dhe kapja e autorit të vrasjes së shtetasit B. Sh., 33 vjeç.

LEXONI GJITHASHTU:

• Protestat në Beograd, Vuçiç: Nuk do largohem nga vendi siç bëri Assadi
• E hodhi në kanal se i ngacmoi gruan, si ndodhi vrasja në Durrës