E mbijetuara e masakrës së Borovës rrëfen tmerrin: Më vranë familjen, unë u plagosa

Kolonjarët dhe jo vetëm kanë përkujtuar ditën e sotme 81 vjetorin e Masakrës së Borovës, një nga masakrat më mizore në botë përsa i përket popullsisë civile. Forcat gjermane vranë dhe dogjën të gjallë në këtë fshat 107 banorë më 6 Korrik të vitit 1943. Viktima më e vogël ishte 4 muajsh dhe më i vjetri 84 vjeç. Jorgjia Simo Leka është e vetmja dëshmitare e gjallë e asaj dite tragjike, e cila tregon tmerrin që ka parë me sytë e saj teksa i vriteshin gjithë pjesëtarët e familjes.

“Nënë, babë, dy motra e dy vëllezër. Unë u plagosa por nuk zuri mirë. Babin erdhën nga poshtë erdhi një gjerman, e vrau te ura. Mami na merr na ngjit në kodër. Poshtë në kacubet ishim fshehur. Qëllon gjermani me automatik e vret vëllain e vogël. Motra e madhe e merr në krah të vdekur, na çon poshtë urës. Gjermanë të tjerë na dolën, vritet mami, motra, vëllai kurse unë plagosem lehtë. Motra del para meje dhe e vrasin gjermanët. Unë shpëtova, u ngjita lart në kodër”

Kryetari i bashkisë Kolonjë Erion Isai tha se ngjarja e Borovës nuk ishte një shesh dyluftimi por një vepër mizore e pamerituar ndaj një popullsie civile.

“Është e tillë. Ngjarja e Borovës nuk është një sheshluftimi ku forca luftuan se bashku patën viktima të ndërsjellta brenda kodeve të luftes. Një mëngjes njerëzit në punën e tyre u gdhinë të sulmuar e masakruar e i vetmi faj ishte që merrnin frymë në tokën e tyre”, thaisai.

Ndryshe nga vitet e tjera, këtë vit nuk kanë qenë të pranishëm përfaqësues të ambasadave austriake dhe gjermane.

LEXONI GJITHASHTU: 

• Masakra e Borovës, ambasadori gjerman kërkon falje për 107 viktimat
• “Burrat po na marrin stafetën”, Borova: Bëjnë më shumë thashetheme se gratë