Pak ditë më parë u largua nga skuadra e Laçit, ku qëndroi për gjysmë sezoni dhe dha një kontribut të jashtëzakonshëm, ndërsa tanimë Enriko Papa do të vijojë karrierën në kampionatin rumun.

I kontaktuar nga gazetari i Euronews Albania Enriko Gabaj, Papa konfirmoi se ka nënshkruar me Botosanin një kontratë për 1.5 vite, ndërsa në drejtim të tij ishin disa oferta.

Si një njohje e vjetër e kampionatit rumun, ekipet vendëse ishin të interesuara për shërbimet e 31-vjeçarit, që duket se është bindur nga drejtuesit.

Ky është një rikthim pasi edhe përgjatë viteve 2018-2022 Enriko Papa ishte pjesë e Botosanit për tu transferuar më pas në Turqi te Çaykur Rizespor. Kujtojmë që në po të njëjtin kampionat ka mbajtur veshur dhe fanellën e Sepsit me të cilën fitoi kupën.

Eksperienca ishte një pikë e fortë e vlerësuar nga Botosani si një nevojshmëri në këtë pikë, pasi skuadra renditet në vendin e 15-të në kampionat.

LEXONI GJITHASHTU:

• Ivan Gvozdenoviç largohet pas 2 vitesh nga drejtimi i Skënderbeut
• Ernest Gjoka trajneri i ri i Skënderbeut