“E premtja më e nxehtë, temperatura deri në 41°C”,Gjoni: Do vazhdojë deri të dielën

Prej disa ditësh vendi ynë është përfshirë nga rritja e temperaturave dhe dita e sotme do të jetë më e nxehtë e javës. E ftuar në Euronews Albania,  Anira Gjoni nga IGJEUM u shpreh se po përballemi me valët e para të të nxehtit të cilat do të na shoqërojnë deri ditën e diel, ditë kur pritet dhe një rënie e lehtë e temperaturave.

“Gjatë këtyre ditëve duke duke filluar nga e mërkura deri te dielën ne jemi përfshirë nën ndikimin e një vale të të nxehti, e para kjo për këtë verë dhe ka sjellë temperatura shumë të larta. Masa ajrore ka qenë e ngarkuar me grimca pluhuri të Saharasë. Kulmi i kësaj vale pritet të shkojë ditën e sotme në mesditë, ku pritet të kemi dhe maksimumin e temperaturave 41 °C “ tha ajo.

Ajo tha se temperaturat e larta do të na shoqërojnë gjatë gjithë javës, pot do të ketë një ulje të lehtë në fundjavë.

“Temperaturat në zonat e ulëta ku përfshihet dhe kryeqyteti do jenë më të lartat. Ditën e shtunë dhe të dielën pritet të ketë një rënie të lehtë prej 2 °C dhe më pas javën tjetër të ketë ulje  temperaturash”, tha ajo.

LEXO GJITHASHTU:

• Vera rrit konsumin e ujit, Trajneri: Duhet pirë 5-6 litra
• Vala e të nxehtit mund të jetë vdekjeprurëse gjatë Lojërave Olimpike të Parisit