“E prisja një ftesë nga Kombëtarja”,- Murataj komenton vendimin e Sylvinhos

Valentino Murataj, futbollisti i Partizanit, ekipit i cili triumfoi ditën e djeshme në Kampionatin Shqiptar, tha për “Kubin Sportiv” se e priste një ftesë nga Kombëtarja Shqiptare për t’ju bashkuar, por kjo gjë nuk ndodhi.

Sipas  Murataj çdo futbollisti i cili del mirë në kampionat, apo del fitues i duhet dhënë mundësia që ai të tregojë veten në Kombëtare, pasi të qenurit pjesë e saj është ëndërr për çdo futbollist.

“Të jem me këmbë në tokë, unë mendoj se çdo lojtar që del mirë apo kampion në Kampionatin Shqiptar është e nevojshme një ftesë, që ai të tregojë veten.

Është shumë e rëndësishme që ta kesh këtë mundësi. Çdo futbollist e ka ëndërr kombëtaren. Është maja për një futbollistë të arrijë të luajë me kombëtaren e vendit të vetë”,-tha Valentino Murataj.

LEXONI GJITHASHTU:

• Reagon PDK: Kurti po rrezikon raportet me SHBA-të, të ndryshojë urgjentisht qasjen
• “Vuçiç i tha popullit se Kurti do dëbojë serbët”, avokati: Në protestë dhe kriminelë