“Vuçiç i tha popullit se Kurti do dëbojë serbët”, avokati: Në protestë dhe kriminelë

Avokati serb, Cedomir Stojkoviç ka komentuar situatën në Veri të Kosovës, e cila është përshkallëzuar.

Në një intervistë për Euronews Albania ai theksoi se presidenti serb Aleksandër Vuçiç, ka dalë në media duke thënë se kryeministri i Kosovës Albin Kurti kërkon gjakderdhje dhe dëbimin e serbëve nga Kosova.

Më tej ai theksoi se mes protestuesve në Veri ka pasur dhe kriminelë, të cilët kanë nxitur dhunën.

“Besoj se ai  vendosi që të kishte përshkallëzim mes serbëve të Kosovës përmes një retorike provokuese të shprehur dy netë më parë. Vuçiç u shpall në televizionin publik në Serbi dhe foli se si Kurti do të dëbojë serbët, se si Kurti është në kërkim të gjakderdhjes dhe do të bënte disa gjëra të tmerrshme. Një ditë më pas  patëm rebelim të serbëve në veri të Kosovës . Një pjesë e tyre kanë frikë nga aho që do të ndodhë sepse i druhen fjalëve të Vuçiç. Mes protestuesve pati dhe kriminelë të vendosur posaçërisht  për të nxitur dhunën. Ndaj besoj se Vuçiç e dëshironte një gjë të tillë. Në Beograd po shohim se  organizatat e ekstremit të djathtë po bëjnë protesta për atë që po ndodh në Kosovë.  Këtë protestë po e bëjnë në mënyrë që të ndalen protestat kundër qeverisë. Loja që po bën Vuçiç është djallëzor”- tha ai.

LEXONI GJITHASHTU: 

• Reagon PDK: Kurti po rrezikon raportet me SHBA-të, të ndryshojë urgjentisht qasjen
• Deputetja Dhori: PD nuk po bën asnjë analizë për humbjen, s’ka reflektim