“E provojmë me forcë nëse do”- Tension në Kuvend, Noka përplaset me Sterkajn

Deputetët e përjashtuar të PD, së bashku me kolegët e tyre, bllokuan këtë të enjte hyrjet e parlamentit, duke penguar deputetët socialistë të hyjnë në sallë.

Përplasjet u përshkallëzuan deri në konfrontime fizike mes deputetëve të të dy kampeve politike.

Fillimisht, ministri i Financave, Petrit Malaj, kreu i grupit parlamentar të PS, Niko Peleshi, dhe ministri Igli Hasani u penguan nga deputetët e PD, çka solli ndërhyrjen e gardës.

Përplasje pati edhe pranë derës së Kuvendit midis deputetit të PD Flamur Noka dhe deputetëve socialistë Frrok Gjini dhe Paulin Sterkaj.

Pjesë nga debati:

Paulin Sterkaj: “Hape rrugën se nuk jemi mirë as nga ana shëndetësore.”

Flamur Noka: “Unë jam shpallur armik nga regjimi, opozita është shpallur armike dhe ju po provokoni opozitën.”

Frrok Gjini: “Hapeni rrugën, Paulini do futet, unë do rri jashtë.”

Noka: “O Frrok, s’ka lidhje. Ne jemi në një betejë jetë a vdekje, ju e keni kthyer në një betejë humori. Ai po përpiqet të zhdukë opozitën.”

Sterkaj: “Nuk kam dëshirë të të shtyj me forcë, por mund ta provojmë nëse do. Nuk më ndalon dot të hyj brenda.”

Noka: “Jam në një betejë jetë a vdekje, kjo është betejë për parime, për pluralizmin dhe vendin.”

Sterkaj: “O Flamur, na dogje karriget. S’kemi ku rrimë nëse dalim në opozitë pas 5 ose 10 vjetësh.”

LEXONI GJITHASHTU:

• Tym e flakë në Kuvend, PD djeg manekinët me fotot e Ramës, Xhafajt dhe vëllezërve
• “Niko, mos bëj të fortin” – Përplasje fizike mes deputetëve të PD dhe PS në Kuvend