E qëlloi me plumb në kofshë pas debatit të çasit, identifikohet autori në Shkodër

Të shtëna me armë zjarri janë regjistruar pasditen e kësaj të shtune në lagjen “Salo Halili” në Shkodër.

Sipas informacioneve paraprake i plagosur mbeti 24-vjeçari Jaser Osmani, i cili ndodhet jashtë rrezikut për jetën.

24-vjeçari u qëllua në afërsi të banesës së tij pas një konflikti për motive të dobëta me një tjetër person.

Policia bën me dije se ka identifikuar autorin, i cili është një 46-vjeçar me inicialet G.M.

Pas konfliktit të çastit, 46-vjeçari ka nxjerrë armën dhe e ka plagosur me një plumb në kofshë.

Grupi hetimor në drejtimin e Prokurorisë, po punon për zbardhjen e rrethanave të ngjarjes dhe kapjen e autorit

“Policia identifikon dhe vijon punën për kapjen e autorit të plagosjes së 24-vjeçarit.

Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër.

Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes.

Shërbimet e Policisë vijojnë kontrollet për kapjen e 46-vjeçarit”, thueht në njoftimin e policisë.

LEXONI GJITHASHTU:

• U vra në sy të gruas, kush është armiku i Ervis Martinajt që mbeti i vdekur (Emri)
• Jetonte në Dubai, si u vra armiku i Vis Martinaj sa takoi të dashurën në Greqi