E reja denoncon në polici motrën e zhdukur prej 8 ditësh, policia nis kërkimet

Policia e Korçës bën me dije sipas një njoftimi zyrtar se një 19-vjeçare ka kallëzuar zhdukjen e motrës së mitur.

Sipas denoncimit, e reja 15-vjeçare rezulton e larguar nga banesa prej 8 ditësh nga data 21 Tetor.

“Në Komisariatin e Policisë Korçë ka kallëzuar shtetasja S. R., 19 vjeçe, se më datë 21.10.2025, është larguar nga banesa, motra e saj e mitur shtetasja F. R., 15 vjeçe. Po punohet për gjetjen e saj”, njoftoi sot policia.   

Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Policia e Korçës arrestoi Dritson Kurtin, komuniteti rom proteston për lirimin e tij
• Vdekja e të miturit pasi shfaqi komplikacione nga gripi, reagon policia e Korçës