E rëndë në Tiranë! U paraqit për ndihmë mjekësore në spital, humb jetën 12-vjeçari

Një ngjarje e dhimbshme është raportuar se ka ndodhur pasditen e kësaj të diele në Tiranë. Një i mitur vetëm 12 vjeç ka humbur jetën.

Djali me inicialet O.L. i datelindjes së vitit 2011, është  gjetur në dhomë pa shenja jete nga familja.

Shkaku i vdekjes ende nuk është zbuluar. Ndërsa sipas burimeve për Euronews Albania në qaf ka një shenjë.

Sipas informacioneve paraprake dyshohet për vetëvrasje, por për të gjetur shkakun e vdekjes, trupi i të miturit është dërguar në IML.

Njoftimi i policisë:

Më datë 13.10.2024, rreth orës 18:15, është paraqitur në spital për ndihmë mjekësore, i shoqëruar nga familjarët, një i mitur 12 vjeç, banues në Gurrë Petrelë, i cili pavarësisht ndihmës së dhënë nga mjekët ka ndërruar jetë.

Grupi hetimor po punon për sqarimin e rrethanave të ngjarjes.

LEXONI GJITHASHTU:

• Urgjenca në pediatrinë e Elbasanit, shefja e repartit: Ka pasur 100 vizita në 24 orë
• Shtohen rastet me infeksione të veshit, mbi 55 urgjenca në ditë në QSUT