E trishtë| Babai e harron në makinë, ndërron jetë pas disa orësh 1-vjeçarja

Trupi i pajetë i një vajze një vjeçare u gjet në makinën e prindërve të saj në Via dei Fucilieri Cecchignola në qytetin e Romës. Sipas asaj që mësohet, vogëlushja u harrua në automjet nga babai i saj, i cili duhet ta çonte në kopësht.

Ishte një kalimtar i rastit, ai i cili lajmëroi policinë, por ndërhyrja e efektivëve ishte tepër vonë.

Një vjeçarja kishte ndërruar tashmë jetë dhe nuk mund të bëhej më asnjë përpjekje për ta shpëtuar.

Makina është sekuestruar nga hetuesit, ndërkohë që Prokuroria e Romës ka nisur hetimet ndaj babait për braktisjen e të miturës.

Dyshohet se vajza u harrua në makinë mëngjesin e të mërkurës dhe u nxor e pajetë në orën 14:00 të pasdites.

LEXONI GJITHASHTU:

• Po loznin në liqen, sulm me thikë ndaj një grupi fëmijësh në Francë
• “Situata në Kosovë alarmante”, Rama: Nuk mund të qëndroj spektator