“Situata në Kosovë alarmante”, Rama: Nuk mund të qëndroj spektator

Kryeministri Edi Rama në një deklaratë për mediat tregoi se i ka dorëzuar presidentit Macron dhe kancelarti Scholtz dokumentin për formimin e asociacionit, duke e konsideruar atë si nyjen gordiane mes Kosovës e Serbisë.

Ai theksoi se situata në Kosovë është alarmante dhe vetë ai nuk mund të qëndronte duke parë Kosovën teksa tkurrej në sytë e atyre që e krijuan atë si shtet.

“I pakuptueshëm është pozicioni i Kosovës dhe jo i Serbisë. Palët nuk po merren dot vesh se kush duhet ta shkruaj këtë tekst e jo më të merren vesh se çfarë duhet të ketë teksti. Ky është një dokument konfidencial që nuk pretendon të jetë zgjidhja ideale, por ju siguroj që është një dokument i nivelit ndërkombëtar që merr në konsideratë të gjitha arsyet për krijimin e asociacionit dhe merr në konsideratë që asociacioni është pjesë e organizimit të jetës në Republikën e Kosovës. Uroj dhe shpresoj që ky material të vlejë për të çuar Kosovën në një nivel tjetër dhe për  t’i bërë palët që të flasin për gjëra konkrete dhe që lidhen me përfundimin e procesit të dialogut dhe gjëra që të flasin me vete dhe për vete. Situata në Kosovë po bëhet alarmante dhe unë nuk mund të qëndroj spektator, duke parë Kosovën se si po tkurrret në sytë e atyre që e krijuan në sytë e atyre që e krijuan si shtet.”- tha ai.

LEXONI GJITHASHTU: 

• “Rrezikohet që Veriu t’u kalojë të huajve”- Rama: Jam i shqetësuar për ultimatumet
• Rama: Nëse ndërkombëtarët i kthejnë shpinën Kosovës, futet në ditët e zeza të saj