Deputeti i Partisë Demokratike ishte këtë të mërkurë i ftuar në “Now me Erla Mëhillin” në Eronews Albania ku u bëri thirrje qytetarëve që të bashkohen ditën e nesërme, 11 korrik, në protestën e opozitës.
Ai tha se nuk ka dyshime që protesta do të jetë masive, pasi sipas tij shqiptarët po përballen çdo ditë me skandale të reja.
“Prania masive e qytetarëve që prej kohësh nuk pajtohen me të keqern, nuk pajtohen me këtë qeveri, nesër të mos rrinë në kafene. Mos të rrinë të shkruajnë në media sociale kundër qeverisë por të dalin nesër në rrugë.
Ne kemi bërë protesta masive edhe në raste kur kushtet kanë qenë shumë më të këqija, unë nuk dyshoj aspak se protesta nesër do jetë masive, për më tepër kur shqiptarët nga dita në ditë përballen me skandale të reja”,-tha Paloka.
LEXONI GJITHASHTU:
- Kush do jetë kandidat për kryeministër? Edi Paloka: Ja formula si do funksionojë
- U përjashtua nga Kuvendi, Paloka i përgjigjet Ramës: Në parlament s’ka vlerë fjala
