Ende s’ka vlerësim për dëmet, qindra banesa të dëmtuara në Shkodër nga përmbytjet

Përmbytjet e pak ditëve më parë në Shkodër sollën probleme të shumta tek banorët e nën Shkodrës. Njësia administrative Gur i Zi ishte më e goditura nga vërshimi i ujit.

Taip Shpata është banor i fshatit Kuq. Vërshimi i ujit i shkaktoi dëme të shumta në banesë.

Ndryshe nga viti 2010 ku u paralajmëruan për hapjen e portave, këtë vit çdo gjë ndodhi shumë shpejt dhe dëmet ishin shumë të mëdha

“Në 2010 jemi lajmëruar na është dhënë kohë me dal me pajisje me gjëra dhe jemi shpërblyer në 2010 ashtu i kanë vlerësuar dëmet, ndërsa këtë herë nuk jemi lajmëruar dhe brenda ore na ka bastisë uji dhe na ka rrëmbyer çdo gjë. Na ka shkuar dëm ushqimi bagëtive, bereqeti”, u shpreh ai.

Apelin ja drejton shtetit për ndihmë.

Por si do procedohet me këto përmbytje?

Euronews Albania bisedoi me administratorin e Gurit të Zi,  i cili konfirmoi se është në pritje të një VKM-je nga qeveria për të nisur grupet e punës për të verifikuar dëmet.

Nga përmbytjet e fundit afro 3000 mijë hektarë tokë u mbuluan nga uji dhe një numër i konsiderueshëm banesash u dëmtuan si pasojë e përmbytjes ndërsa ende nuk ka një bilanc zyrtar nga bashkia Shkodër rreth dëmit të shkaktuar.

LEXONI GJITHASHTU:

• Zelensky thotë se 10 civilë u vranë në një sulm rus në qytetin e Donetsk
• Ministri i Mbrojtjes së Serbisë: Kurti kërkon të shpërngulë serbët nga Kosova
• Tensionet në veri, ish-luftëtari i UÇK-së: Jemi gati të përballemi me Vuçiçin