Enkelejd Alibeaj kërkon seancë plenare më 19 dhjetor

Deputeti demokrat Enkelejd Alibeaj ka kërkuar që seanca e fundit plenare të jetë më 22 dhjetor.

Këtë deklaratë ai e bëri në mbledhjen e Konferencës së Kryetarëve, ku nënvizoi se duhet të ketë edhe një tjetër seancë të hënën, më 19 dhjetor, në mënyrë që të mos kalojnë aktet dhe projektligjet pa u diskutuar në mënyrë të detajuar.

“Nga ana e konferencës ishte propozuar që të ketë një seancë të vetme të fundvitit, ajo e 22 dhjetorit. Dhe ajo që është e habitshme është se aktet propozojnë të ishte e madhe, 20 e më tepër akte e projektligje që pretendohet të diskutohen në një seancë të vetme. Janë jo pak, por 15 projektligje dhe vendime të tjera të rëndësishme të Kuvendit.

Sot i kërkova, bashkë me kolegët e opozitës, që kjo mënyrë e përcaktimit të këtij volumi kaq të madh veprimtarie në një seancë të vetme është strategji që dëmton të drejtat e deputetëve. Ka kohë kalendarike që ky parlament të ketë seancë të hënën ose të enjten e javës tjetër. Kalimi fshehurazi dhe shpejt duket se është praktikë e qeverisë dhe parlamentit.

Të ketë një seancë tjetër të hënën. Patëm diskutime, në fund mazhoranca u tërhoq dhe sërish do të bëmë mbledhje sot në orën 15:00. Dua të them publikisht se çfarë propozova në Konferencën e Kryetarëve. Ky parlament nuk duhet të jetë noter banal i qeverisë. Akte të rëndësishme që kanë impakt publik; të mos u jepet koha e nevojshme deputetëve dhe publikut për t’u njohur me to, diskutuar e analizuar. Ky është propozimi që unë kam bërë. Jemi në pritje që sot mazhoranca të reflektojë dhe t’i japë mundësi publikut për t’u njohur me këto akte”, tha Alibeaj.

LEXONI GJITHASHTU:

• Twitter pezullon llogaritë e disa gazetarëve që kritikuan Musk
• Adnan Xholi: Duhen hetime konkrete, të luftojmë krimin e organizuar dhe korrupsionin
• Juristja: Nuk po ikin të varfrit, por edhe doktorë e profesionistë të tjerë