“Ekipe të sofistikuara kineze janë në Iran”, Demiraj: Si u thye mbrojtja e Izraelit

Ish-koloneli Dritan Demiraj ishte këtë të enjte në “Now me Erla Mëhillin” në Euronews Albania ku ka folur për konfliktin mes Iranit dhe Izraelit. Ai ka shpjeguar se si ka mundur Irani të “thyejë” mbrojtjen ajrore të Izraelit duke bërë të mundur që një pjesë e madhe e raketave të lëshuara prej tij të arrinin  objektivat.

“Kina ka sjellë në Iran, dy ekipet më të sofistikuara të luftës kibernetike. Jo m larg se sot, ka dështuar nj sulm kiberentik i izraelit për të asgjësuar apo për të nxjerrë jashtë funksionit bankat e Iranit.

Së dyti dy ekipe shumë të sofistikuara nga forcat ajrore dhe nga komanda e hapësirës së Kinës, janë në Iran duke studiuar të gjithë mënyrën, taktikat dhe armatimet e sulmeve ajrore të avionëve F35, sepse ky është një konflikt që do të ripërsëritet gjatë një konflikti, që shpresojmë mos të ndodh kurrë në detin mes SHBA-ve aleatëve të saj dhe Kinës.

Një grup i luftës kibernetike të Kinës ka bërë të mundur të zbërthej e të futet brenda trurit të sistemit izraelit aerodrom, duke e ç‘rregulluar e duke krijuar hapësirë që një pjesë e madhe e raketave të Iranit të mos kapen. Kjo është strategji që studiohet nga Federata ruse dhe ndihmohet nga Kina”,-tha koloneli.

LEXONI GJITHASHTU:

• Putin i gatshëm të negociojë konfliktin Izrael-Iran, rezerva për Zelenskyn
• 34-vjetori i PS, Rama: Shqetësohuni ditën kur do mungojë Gramozi në këtë oborr