34-vjetori i PS, Rama: Shqetësohuni ditën kur do mungojë Gramozi në këtë oborr

Kryeministri Edi Rama tha në fjalën përshëndetëse në përvjetorin e 34-të të Partisë Socialiste tha se PS nuk i është shmangur asnjëherë përgjegjësisë që vijnë pas fitoreve prandaj nuk lodhet së fituari.

Ai vlerësoi deputetë e rinj të dalë nga zgjedhjet e 11 majit si një harmonizim të eksperiencës me prurjet e reja.

“Nuk i jemi shmangur asnjëherë përgjegjësive që vijnë pas fitoreve. Prandaj nuk lodhemi së fituari, sepse nuk lodhemi së ngarkuari veten me përgjegjësi. Shumë gjerë duhen bërë me mire sepse kjo fitore është e lidhur me një besim të jashtëzakonshëm për ta udhëhequr vendin drejt BE. Kemi një skuadër të re me 83 deputetë, kemi harmonizim të eksperiencës me prurjet e reja”, tha Rama.

Në fjalën e tij përshëndetëse Rama nuk harroi batutat për socialistët vjetër Dade dhe Ruçi.

“Zysha (Arta Dade) ty shyqyr që të kemi, edhe shokun Gramoz sigurisht. Sa herë e shoh shokun Gramoz në këtë oborr kuptoj që jemi në rrugën e duhur. Shqetësohuni ditën kur do mungojë Gramozi në këtë oborr, po atëherë s’do jem as unë, kështu që shihni e bëni”, tha Rama.

LEXONI GJITHASHTU:

• Sali Berisha thirrje Ramës: Mos luaj me pluralizmin se do kesh fatin e paraardhësve
• Shqipëria merr kryesimin e SEECP, Rama: Jemi në qendër të diplomacisë ndërkombëtare