Ekipi i Kosovës në konferencën më të madhe të teknologjisë në botë

Ekipi kosovar i përbërë nga vajza dhe djem nga fushat e ICT po marrin pjesë në konferencën më të madhe të teknologjisë në botë.

Lajmi bëhet me dije nga presidentja Vjosa Osmani përmes një postimi në faqen e vet në Facebook.

“Afro 160 shtete, më shumë se 70 mijë pjesëmarrës. Në mesin e tyre është edhe ekipi kosovar i përbërë nga çika e djem tanë nga fusha e ICT-së, me të cilët po marrim pjesë në konferencën më të madhe të teknologjisë në botë. Eksperiencë fantastike e rrjetëzimit të ndërmarrësve, liderëve dhe entuziastëve të teknologjisë nga e gjithë bota. E ardhmja e teknologjisë tani është më e ndritshme se kurrë më parë!

Në fjalën e mbajtur në këtë konferencë, presidentja Osmani bëri thirrje për njohjen e Kosovës.

“Serbisë do t’i duhet ta pranojë realitetin sepse pavarësia dhe sovraniteti i Kosovës është një realitet i padiskutueshëm, një realitet i fituar me sakrificë nga populli i Kosovës dhe me një mbështetje të pakushtëzuar nga komuniteti ndërkombëtar. Pavarësia jonë ishte gjithashtu në përputhje me ligjet ndërkombëtare dhe pjesa më e madhe e vendeve, përfshirë Portugalinë ku ndodhemi sot e kanë njohur Kosovën. Askush s’ka humbur asgjë duke njohur Kosovën, krejtësisht e kundërta, ka fituar një mik dhe një partner të përkushtuar, me të cilin ndajnë vlera të përbashkëta”, – u shpreh Osmani.

LEXONI GJITHASHTU:

• Kosova kërkon ndihmë nga rajoni për hetimet e sulmit në Banjskë
• Fitoi ndaj Izraelit, sa shanse ka Kosova të kualifikohet në Euro2024