EKSKLUZIVE| Flet nëna e Faton Hajrizit: Flinte në krevat betoni i lidhur me zinxhir

Shahrije Hajrizi, nëna e Faton Hajrizit i cili u vra nga policia në Serbi, pasi dyshohej se ishte autori i vrasjes së një efektivi serb, ka folur në një lidhje ekskluzive për emisionin “Review” në Euronews Albania.

Ajo tregoi vuajtjet e të birit, ku sipas saj, ai në burgje flinte në krevat betoni dhe e lidhnin edhe me zinxhirë.

Shahrije Harjrizi tha gjithashtu se Fatoni e donte shumë lirinë, por liria iu mohua.

“Shtetit ia dorëzova 15-vjeçar, shteti e mbajti 23 vjet. Me djalin e kam pasur kontaktin në 1 korrik deri në 3 korrik që erdhi në vikend. Ka qenë shumë i rregullt, por nuk ka pasur drejtësi për të. Ai e ka dashur lirinë, por lirinë nuk ia dhanë kurrë, lirinë ia mohuan. Shprehte shqetësime edhe gjatë kohës që kishte qenë në burg. E kam ditur kur e kam parë të lidhur me zinxhir. Ka fjetur në krevat betoni”, tha e ëma e Fatonit.

LEXONI GJITHASHTU:

• Vrasje, grabitje e arratisje|Kush ishte Faton Hajrizi, shqiptari që u vra në Serbi
• Zbulohet skema e vrasjes së Faton Hajrizit, si ju arratis policisë dhe ku u fsheh