Ardit Hoxha raporton nga Stambolli: E pamundur të shkohet në zonat e tërmetit

Gazetari i Euronews Albania, Ardit Hoxha ka raportuar nga Stambolli ku ekipi i Euronews Albania ka mbërritur që në orët e para të mëngjesit.

Gazetari tha se për shkak të kaosit në të gjitha linjave të avionëve dhe autobusëve drejt zonave të tërmetit, ka qenë e pamundur lëvizja në drejtim të jugut të Turqisë.

“Duke përjashtuar kaosin në dy aeroportet e Stambollit dhe terminalit të autobusëve sa i takon emergjencës dhe panikut nga tërmeti, gjendja në Stamboll duket më e qetë. Nga ana tjetër kushtet e vështira atmosferike kanë përfshirë Turqinë gjatë ditëve të fundit, me temperatura disa gradë nën zero dhe stuhi bore”, tha gazetari Hoxha.

Një tërmet tragjik goditi Turqinë mëngjesin e së hënës duke shkaktuar mbi 5000 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja.

LEXONI GJITHASHTU:

• Nisin plaçkitjet në Turqi, të mbijetuarit nga tërmeti bastisin dyqanet për ushqime
• Tërmeti shembi ndërtesat e vjetra, ekspertët hedhin dyshime: Cilësi e dobët