Ekspertët: Pushtimi rus ka rritur rrezikun për përdorimin e armëve kimike

Takimi i Organizatës për Ndalimin e Armëve Kimike nisi në Hagë me një paralajmërim për konfliktin në Ukrainë: pushtimi rus ka rritur rrezikun për përdorimin e armëve të shkatërrimit në masë, përfshirë ato kimike.

Sipas Organizatës, situata është në buzë të greminës.

“Lufta ka acaruar më tej tensionet ekzistuese, duke i çuar ato në një pikë ku uniteti i komunitetit ndërkombëtar për sfidat globale nuk duhet vënë në pikëpyetje”, tha Fernando Arias, drejtor i përgjithshëm i ONAK-së.

Rusia dhe Ukraina kanë akuzuar njëra-tjetrën për mundësinë e përdorimit të armëve kimike dhe biologjike që nga fillimi i luftës.

Moska pretendon se Kievi është përpjekur të zhvillojë një program armësh biologjike së bashku me Shtetet e Bashkuara. Por asnjë prej dy kampeve nuk ka paraqitur prova.

Si Rusia dhe Ukraina janë mes 193 qeverive që janë zotuar janë zotuar solemnisht dhe vullnetarisht që në asnjë rrethanë të mos përdorin armë kimike.

Por zmbrapsja që ka pësuar ushtria ruse në fushën e betejës ka rikthyer frikën se Kremlini mund t’i rikthehet opsionit të përdorimit të armëve të shkatërrimit në masë.

Që nga fillimi i luftës, Moska e ka përmendur vazhdimisht kërcënimin bërthamor, edhe pse ka akuzuar shpesh herë Kievin se po përpiqet të prodhojë bombë me efekte radioaktive.

LEXONI GJITHASHTU

• Ukraina: Rusia po përgatitet të largohet nga termocentrali i Zaporizhzhia
• Presidenti Bjellorusisë i kërkon Ukrainës që të ulet dhe të negociojë me Rusinë
• Zgjerohen protestat në Kinë, manifestime në Pekin e Shangai kundër Partisë Komuniste