Byroja Federale e Hetimeve të SHBA-së (FBI) duhet të përcaktojë nëse sulmi në New Orleans më 1 janar ishte i frymëzuar apo planifikuar nga Shteti Islamik (ISIS), tha eksperti i sigurisë nga Fondacioni Azi-Paqësor Sajjan M. Goel.
Goel i tha CNN se sulmi në New Orleans tregon një dëshirë për të maksimizuar numrin e viktimave.
Ai përkujtoi se në të kaluarën ka pasur disa sulme me automjete të kryera nga pjesëtarët e ISIS.
Goel vlerësoi se sulmi ishte planifikuar mirë.
Numri i personave të vrarë në sulmin e djeshëm në New Orleans është rritur në 15 , dhe të paktën 35 persona janë lënduar, raportoi sot CNN.
Shtetasi amerikan Shamsud Din Bahar Jabbar (42 vjeç) dyshohet se ka drejtuar kamionin e tij në një turmë njerëzish në rrugë dhe ka vrarë kalimtarët.
Ai u vra në një përballje me policinë rreth orës 3:15 të ditës së djeshme me orën lokale, në një pjesë të New Orleans ku ishin mbajtur disa festime të Vitit të Ri.
FBI tha se një flamur i Shtetit Islamik u gjet në automjetin e tij.
Pasi automjeti u ndal, shoferi doli nga automjeti dhe hapi zjarr ndaj oficerëve që përgjigjeshin, tha policia e New Orleans.
