Eksperti i Kryqit të Kuq tregon sesi të veprojmë në raste aksidentesh

“Në aksidentet me autobusë, është shumë e nevojshme jo vetëm trajnimi i stafit, por edhe udhëzimi i pasagjerëve si të veprojnë në raste emergjente, aksidentesh”. Kështu u shpreh në emisionin “Mirëmëngjes” Kristian Kura, koordinator i ndihmës së në Kryqin e Kuq Shqiptar.

Z. Kura shpjegoi sesi duhet të veprojnë pasagjerët gjatë një aksidenti me autobus, ku nënvizoi se duhet të përdoret dalja emergjente, duke thyer xhamin e emergjencës.

“Edhe autobusi ka një dalje emergjente që mund të jetë nga xhami. Ka diçka metalike që thyhet xhami, që ndodhet pranë xhamit. Ka raste që personat ngelin brenda dhe s’mund të dalin dot, pasi nuk kanë informacion”, tregoi ai.

Z. Kura tha se çdo mjet automobilist duhet të ketë brenda kutinë e ndihmës së parë që është bazike. Po kështu, sipas tij me rëndësi është edhe mbajtja e bombolës së fikjes së zjarrit.

Ndërsa, eksperti rrugor Mamait Hodo deklaroi se duhet të bëhet një auditim i sigurisë rrugore, pasi në shumë rrugë nuk ka ndriçim të nevojshëm apo sinjalistikë të duhur.