Eksperti i sigurisë: Droga pas lokalizimit duhet ndjekur për të zbuluar laboratorët

Eksperti i sigurisë, Fatjon Softa tha për Euronews Albania se autoritetet vendase duhet të ndjekin linjën e drogës, nga prodhuesit deri tek konsumatorët.

Sipas ekspertit, pas lokalizimit, duhet ndjekur sasia e drogës për të zbuluar vendin ku përpunohet, si po trafikohet dhe destinacioni final.

“Në po na vijnë sasi të mëdha droge, po zbresin në port. Ne e ndalojmë në port, nuk e lemë të vazhdojmë për të parë ku po shkon, kush është laboratori, ku përpunohen, ku përgatiten, si dalin në tregun europian”, u shpreh eksperti.

Ai shtoi se duhet parë gjithë kronologjia e transportimit të një sasie drogë.

Ndërsa, sa i përket përdorimit të hashashit tek të rinjtë ai tha se është një fenomen shqetësues.

“Jo vetëm kujdesi prindëror por edhe kujdesi i shtetit duhet të jetë maksimal ndaj kësaj shtrese të popullsisë që po përfshihet në përdorimin, shpërndarjen e lëndëve narkotike”, tha ai.

“Luftë frontale, bashkëveprim frontal për të ndaluar për të frenuar këtë fenomen në rritje”, shtoi ai.

Sipas ekspertit, projektet e Policisë  së Shtetit për përdorimin e drogës nuk kanë qenë efektive, por vetëm show.

LEXONI GJITHASHTU:

• ‘Është fatkeqësia e këtij brezi’, qytetarët të shqetësuar për përdorimin e kanabisit tek të rinjtë