Eksperti i sigurisë: Të hapim një diskutim nëse duhet mbajtur apo shkrirë Policia e Shtetit

Eksperti i sigurisë, Ergys Muzhaqi tha për Euronews Albania se duhet të hapet një diskutim urgjent, nëse duhet mbajtur apo shkrirë Policia e Shtetit.

“Teknikisht jemi në një fazë që duhet të hapim një diskutim urgjent, nëse dëshirojmë të shpëtojmë këtë strukturë të domosdoshme për sigurinë publike, Policinë e Shtetit. Propozoj që të hapet një diskutim urgjentisht a duhet ta mbajmë apo shkrijmë Policinë e Shtetit si strukturë, se vijnë përqark po më të njëjtët njerëz”, tha ai teksa komentoi organizimin e policisë në operacione anti-kanabis.

Sa i përket vrasjes së efektivit në Lezhë, eksperti nënvizoi se nuk është normale që një parcelë me kanabis të inspektohet me 2 apo 3 vetë.

“SHÇBA duhet të zbardhë këtë ngjarje dhe më pas duhet të trajtojë rastet e të rinjve që janë vrasës”, shtoi ai.

Eksperti u shpreh më tej se Shqipëria prodhon sasi shumë të mëdha të hashashit, si nga vendi ynë transportohet një sasi shumë e madhe kokaine.

Sipas tij, shkak i kësaj situatës është lidhja e krimit të organizuar me politikën.

LEXONI GJITHASHTU:

• ‘Kanabizimi, projekt politik’, deputeti Salianji: Emërime pa kriter në Policinë e Shtetit
• Humb jetën në spitalin e Traumës vrasësi i policit në Lezhë