Eksperti jep alarmin: Ka dorë të brendshme, rreziku që të dalin të dhënat e bankës

Eksperti i sigurisë Ergys Muzhaqi thotë se sulmet kibernetike janë në radhë të parë dëmtimi i imazhit të Shqipërisë si vend i besueshëm anëtar i NATO-s dhe vetë Aleancës.

Në emisionin Now në Euronews Albania, eksperti u shpreh se më i rëndi është ekspozimi i strukturave të sigurisë, sidomos i punonjësve të SHISH por edhe i policisë, që tashmë janë të rrezikuar nga krimi.

Ai ngriti alarmin se ekspozimi i të dhënave bankare sjell rreziqe për dublikim të identiteteve, gjë që mund të sjellë probleme për shumë persona.

Sipas ekspertit, dalja e të dhënave është bërë përmes ndihmës nga njerëz brenda vendit.

“Shqetësimi që çon në panik me ekspozimin e të dhënave bankare. Ka rreziqe për dublim të identiteteve; duke marrë të dhënat nga mua një haker në bashkëpunim me struktura të jashtme por edhe të brendshme, besoj se ka si mos të ketë dorë të brendshme në nxjerrjen e të dhënave. Kur të dublohet edhe identiteti bankar, që jo vetëm personazhe të rëndësishme i dublohet identiteti, rrezikohen, nuk e dimë sa janë të rrezikuara llogaritë bankare. Më sfidues është rikuperimi i këtyre të dhënave”,  tha eksperti.

LEXONI GJITHASHTU:

• “Në Shqipëri jam si qen i mbyllur në kafaz”, letrat e “spiunes” ruse
• “Në magazinat e pista të Tiranës gjenden baza të NATO, ja çfarë duan spiunët rusë”