Eksperti: Vetëm 2.5% shkojnë për investime! Kundërshton Gonxhe: S’është e saktë

Eksperti i ekonomisë Klodian Myço tha se në Tiranë buxheti që shkon për investime direkte në infrastrukturë nuk është më shumë se 2.5%.

I ftuar në “Barometri” në Euronews Albania ai tha shpjegoi se si Bashkia e Tiranës e ndan buxhetin, por sipas Blendi Gonxhes nuk është e vërtetë që buxheti që shkon për infrastrukturë është 2.5%, pasi sipas tij shpenzohet shumë më shumë.

Pjesë nga biseda:

Klodian Muço: E  dini se sa paguan Bashkia e Tiranës për investime në infrastrukturë? Vetëm 2.5%. nga ky buxhet i përgjithshëm që merr Bashkia e Tiranës 60% i çon për paga, për patronazhistët e famshëm, i çon edhe për shpenzime administrative, ndërsa për problematika për investime në infrastrukturë në tërësi vetëm 2.5%.

Bledi Gonxhe: Të ndërhyj pak, se kjo përqindje nuk është e saktë. Vetëm parqet kanë pasur një buxhet prej 5%, drejtoria e përgjithshme e pastrim gjelbërimit ka rreth 6% dhe ndërmarrja e riparim rrugëve, ndërhyrjeve në ndriçim dhe asfaltim ka rreth 15 të tjera.

Klodian Muço: Po i ka buxhet, por është buxhet që del me pagë. Këto agjensi investojnë në të punësuar, në mobilje. Unë thash para që shkojnë për investim në rrugë është vetëm 2%.

LEXONI GJITHASHTU:

• Blendi Gonxhe: Është e pamundur që një metropol si Tirana të jetë pa trafik
• Lëkundje tërmeti në Greqi, ja sa ishte magnituda