Ekspertja: Të rinjtë janë dyshues, mendojnë se vendi i punës është i paracaktuar

Ekspertja e rekrutimit, Eralda Ymerali deklaroi se të rinjtë shqiptarë janë dyshues për rekurutimet në një vend pune.

Në emisionin “Barometri” në Euronews Albania, Ymerali u shpreh se ata mendojnë se vendi i punës është i paracaktuar.

Sipas saj, kjo ndodh për shkak të modeleve të shëmtuara që ata shohin.

“Të rinjtë janë bërë shumë dyshues edhe për proceset e rekrutimit. Janë mosdyshues deri në momentin e fundit. Mendojnë se vendi i punës është i paracaktuar, kjo ndodh për shkak të modeleve të shëmtuara që shohin. Ata duan të kenë një punë, por është thyer besimi”, theksoi ajo.