Ekspozita “Vendlindja, liria ime” në Gjermani, vajza shqiptare: S’ka si vendi yt

Xhulia Ibrahimaj emigroi në Gjermani disa vite më parë duke kërkuar azil. Sot ajo punon pedagoge dhe ka hapur një ekspozitë me punime që i kushtohen vendlindjes së saj.

Ekspozita “Vendlindja, liria ime”, është krijuar nga Xhulia Ibrahimaj.

“Është një tematike që më përçon në lëkurë sepse e shoh lirinë time si vendin ku unë jetoja, në Shqipëri. Mjafton ajri që unë thith në Shqipëri, më jep liri. Pikturat nuk janë bërë veçanërisht për ekspozitë janë bërë gjatë periudhës time në Gjermani,” – tregoi Xhulia.

Prej 8 vitesh jeton në Gjermani, një vend i ftohtë, të cilin Xhudie, siç njihet nga të gjithë, arriti ta bëjë për vete.

“Kam ardhur në vitin 2015, si shumë prej bashkatdhetarëve të mi duke kërkuar azil, pasi mundësitë për të ardhur me një vizë studentore nuk ishin,” – tha ajo.

Pasioni i saj për pikturën ka ekzistuar qëkur ishte fëmijë. Por ashtu siç ajo thotë, në Shqipëri, jeta ndahej në prioritete.

“Nuk i kam kushtuar rëndësi pasi duhet të vije prioritete dhe prioriteti im i parë ishte puna, shkolla. Nuk është se e kisha dhe atë sigurinë që do pranohej nga shoqëria shqiptare, mund të bëhej diçka me pikturën,” – u shpreh Xhulia.

Në Gjermani, ajo punon si pedagoge sociale. Jeta e saj vërtitet rreth atij vendi, megjithatë dëshira për t’u rikthyer në Shqipëri është e madhe.

LEXONI GJITHASHTU:

• Pogradeci “qyteti i Tasos”, Anastas Kostandini sjell ekspozitën kushtuar qytetit
• Ekspozitë me materiale të riciklueshme, nxënësit e Korçës në mbrojtje të mjedisit