Prokuroria e Tiranës ka mbyllur hetimet për rrëmbimin dhe ekzekutimin e biznesmenit Ruzhdi Hoxha.
Ndërkohë është ngritur një padi ndaj autorit të dyshuar Fredi Rrushi për akuzën e vrasjes.
Po ashtu ndaj Rrushit për ngjarjen e 6 nëntor 2021 rëndon edhe akuza e armëmbajtjes pa leje, zhdukjes së provave e zhdukjes së kufomës, e cila u gjet disa ditë pas krimit e groposur në Dajt.
Nga hetimet ende nuk është gjetur automjeti që u rrëmbye Hoxha dhe pistoleta me të cilën u ekzekutua.
Si ndodhi ngjarja?
Më 6 nëntor të vitit të kaluar trupi i viktimës u gjet i mbuluar me zhavor në Qafë Mollë në zonën e Dajtit.
Fillimisht biznesmenin e qëlluan me armë zjarri dhe më pas trupin e tij e hodhën nga një shkëmb.
Pistat kryesore të hetimeve janë trafiku i drogës dhe borxhet.
Ruzhdi Hoxha rezultonte i zhdukur që prej 24 tetorit. Ishte djali i tij ai që referoi rastin në komisariatin numër 5 dhe më pas denoncimi kaloi në Policinë e Tiranës.
LEXONI GJITHASHTU:
- Gjendet në zonën e Dajtit trupi i pajetë i biznesmenit Ruzhdi Hoxha
- Zhduket biznesmeni në Tiranë, hetim për rrëmbim ose pengmarrje
