Elbasan| 27-vjeçari i dehur thyen xhamin e dritares, dëmtohet në krah dhe humb jetën

Një ngjarje e rëndë raportohet të ketë ndodhur në Elbasan, ku një 27-vjeçar ka humbur jetën, pasi është dëmtuar në krah teksa ka goditur xhamin e dritares së banesës së tij.

Sipas Policisë, bëhet me dije se i riu e ka kryer veprimin nën efektin e alkoolit dhe në kushte të rënduara psikologjike.

Pavarësisht ndihmës mjekësore, ai ndërroi jetë në spital.

Njoftimi i Policisë:

Ditën e djeshme, rreth orës 17:30, në spitalin e Elbasanit, është dërguar për të marrë mjekim shtetasi A. S., 27 vjeç, banues në fshatin Gjinar. Nga veprimet hetimore paraprake dyshohet se 27-vjeçari, në gjendje të dehur dhe në kushte të rënduara psikologjike, ka thyer xhamin e dritares së banesës së tij dhe si pasojë është dëmtuar në krah.

Pavarësisht asistencës mjekësore, 27-vjeçari ka humbur jetën në spital, mëngjesin e sotëm.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• EMRI| E zë poshtë ngarkesa e shkëputur nga vinçi, vdes në punë shqiptari në Itali
• Shembet ballkoni ku po festonte fitoren, vdes zyrtari i opozitës në Turqi