English

Elbasan| Rriten çmimet e apartamenteve, 1 m2 shitet 30% më shtrenjtë se në 2022-shin

KOMENTE

SHPERNDAJE
ARTIKULLIN

Text sizeAa Aa

Ashtu si në të gjithë vendin, edhe në Elbasan çmimet e shitjes së apartamenteve janë rritur me 30% krahasuar me një vitin e kaluar. Kjo rritje reflektohet si pasojë e rritjes së çmimeve të materialeve që përdoren për ndërtim. E njëjta situatë paraqitet edhe me qiratë, duke rënduar vetëm mbi xhepin e qytetarëve.

- Advertisement -

“Gjatë dy viteve të fundit, pas pandemisë çmimet e apartamenteve qoftë për shitje, qoftë për qira janë rritur në një shkallë absolute tek 20-30% vlera, plus ato që ishin me parë. Nga ana tjetër fuqia blerëse është e ulët, njërëzit nuk mund t’i blejnë dot me çmime të larta. Pasi u drejtohen bankave, ata nuk i financojnë për arsye të ardhurash minimale,” – u shpreh agjenti imobiliar, Shpëtim Basha.

Zyrat e shitjes tregojnë se cilat janë zonat më të shtrenjta sa i përket qirasë në qytetin e Elbasanit.

“Një apartament që para dy vitesh ishte më një çmim 150 mijë lek të vjetra në muaj me qira, sot ka shkuar 200. Apartamenti që ka qenë 200 i formatit  2+1 ka shkuar 250 deri ne 270, edhe 300 nëse preferon qendrën. Qendra ka më tepër çmim sesa periferia,” – tha Basha.

Por sa i kushton një apartament një familje në Elbasan?

“Që të blesh një apartament në qendër, pallat i ri, çmimet variojnë nga 800-900 deri në 1000 euro, për ndërtimet e reja 2022 e në vazhdim. Ndërsa apartamentet e vjetra kanë një çmim bruto që vendosët me çmim tregu. Por dhe ky nuk është i ulët, varion nga 600 deri në 700 euro, varet nga arredimi apo investimi që është bërë në atë apartament,” – shpjegoi agjenti.

Këto çmime kanë bërë që shumica e qytetarëve të stepen për të blerë një apartament. Të vetmit që “i futen detit në këmbë” janë çiftet e reja.

Përgjatë 2 viteve të fundit në Elbasan janë ndërtuar rreth 450 apartamente. Referuar shitjeve të vitit 2021, janë afro 100 prona të shitura, ndërsa për vitin 2022 janë 150 prona të shitura.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?